प्रशिक्षक आर्म ब्याच सुशोभन कार्यक्रम सम्पन्न

२०८०-१०-१९

A
A^-
A⁺

नेपाल प्रहरीको विभिन्‍न तालिम प्रदायक निकायहरूबाट सञ्‍चालन हुने तालिममा एकरूपता कायम गर्नको लागि लागु गरिएको “नेपाल प्रहरीको तालिम सञ्‍चालन कार्यदेश-२०७९” को परिच्छेद-१७ मा व्यवस्था भए बमोजिम बाह्य प्रशिक्षण सम्बन्धी गतिविधीलाई समयसापेक्ष वैज्ञानिक एवम् स्तरयुक्त बनाउन बाह्य प्रशिक्षकहरूको क्षमता मापन गर्न मिति २०८०/१०/१८ र १९ गते लिईएको Instructor Proficiency Test (IPT) मा उत्तीर्ण हुनु हुने यस नेपाल प्रहरी शिक्षालयमा सञ्‍चालित “कवाज प्रशिक्षक प्रशिक्षण (प्रहरी जवानदेखि प्रहरी वरिष्ठ हवल्दारसम्म) तालिम” छैठौँ समूहमा तालिम प्राप्त २९ जना र यस नेपाल प्रहरी शिक्षालयका ७ जना गरी जम्मा ३६ बाह्य प्रशिक्षकहरूलाई मिति २०८०/१०/१९ गते यस शिक्षालयका निर्देशक प्रहरी नायव महानिरीक्षक सुरेन्द्र प्रसाद मैनालीज्यूबाट प्रमाणपत्र वितरण तथा आर्म ब्याचले सुशोभित गर्नुभयो । उक्त कार्यक्रममा प्रमुख अतिथि निर्देशकज्यूले निर्देशन सम्बोधन गर्नुहुदैँ प्रशिक्षक आफु Role Model बन्‍नुपर्ने हुनाले आफुलाई अध्ययनशिल बनाउनुपर्ने कुरालाई जोड दिनुभएको थियो ।

सम्बन्धित समाचार

बिदाई कार्यक्रम सम्पन्न

२०८१-०८-०१

नेपाल प्रहरी जवान पदमा नयाँ नियुक्ती भई विभिन्न समयमा पदोन्नती हुँदै प्रहरी नायव निरीक्षक पदबाट इमान्दार र कर्तव्यपरायण राष्ट्रसेवकको रुपमा कार्यरत रही ३० वर्ष सेवा अवधि पुरा गरि अनिवार्य अवकाशमा जान लाग्नु भएका प्रहरी नायव निरीक्षक श्री रेशम बहादुर बानियाज्यूको मिति २०८१/०८/०१ गते यस शिक्षालयका निमित्त निर्देशक प्रहरी उपरीक्षक श्री भरत बहादुर बि.क.ज्यूको प्रमुख आतिथ्यतामा बिदाई कार्यक्रम सम्पन्न भयो । उक्त कार्यक्रममा सेवा निवृत भई जान लाग्नु भएका प्रहरी नायव निरीक्षक श्री रेशम बहादुर बानियाज्यूले सेवामा रहँदाका आफ्ना अनुभवहरू साट्नु भएको थियो भने प्रमुख अतिथी निमित्त निर्देशकज्यूले सेवामा रहदा पुर्‍याउनु भएको योगदानको उच्च प्रशंसा गर्नु हुँदै बाँकी व्यक्तिगत, पारिवारिक तथा सामाजिक जीवनमा सफलताको कामना सहित अवकाश पत्र र मायाको चिनो प्रदान गर्नुभएको थियो ।

निर्देशकज्यूको बिदाई कार्यक्रम सम्पन्न

२०८१-०७-११

नेपाल प्रहरी शिक्षालय भरतपुर, चितवनका निर्देशक प्रहरी नायव महानिरीक्षक श्रीमान् राजेशनाथ बास्तोलाज्यू उमेर हदका कारण सेवाबाट अनिवार्य अवकास हुनु भएकोले यस शिक्षालयमा औपचारिक कार्यक्रम आयोजना गरी बिदाई सम्पन्न गरिएको थियो । बिदाई कार्यक्रममा शिक्षालयको उप-निर्देशक प्रहरी उपरीक्षक श्री भरत बहादुर बि.क.ज्यूले बिदाई भई जानुहुने प्रहरी नायव महानिरीक्षकज्यूलाई शिक्षालयको तर्फबाट मायाको चिनो प्रदान गरी शुभकामना मन्तव्य व्यक्त गर्नुभएको थियो । उक्त कार्यक्रममा निर्देशकज्यूको पूजनीय पिता पूर्व सांसद हरिनाथ बास्तोलाज्यू, नेपाल प्रहरी श्रीमती संघ केन्द्रीय प्रशासन सचिव अजिता देवकोटा बास्तोलाज्यू, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय संचार रामनगर, चितवनका प्रमुख प्रहरी उपरीक्षक नरेशराज सुवेदीज्यू, जिल्ला प्रहरी कार्यालय चितवनका निमित्त कार्यालय प्रमुख प्रहरी नायव उपरीक्षक भेषराज रिजालज्यू, यस शिक्षालयका प्रहरी नायव उपरीक्षक सुर्य बहादुर थापाज्यू, प्रहरी निरीक्षकज्यूहरू, जिल्ला ट्राफिक प्रहरी कार्यालय चितवनका प्रमुख प्रहरी निरीक्षक गायत्रीराज शर्माज्यू, यस शिक्षालयका जुनियर प्रहरी अधिकृत तथा अन्य दर्जाका प्रहरी कर्मचारीहरू लगायत प्रहरी सहायक निरीक्षक आधारभूत तालिम २-१७९ औं समूहका सम्पूर्ण प्रशिक्षार्थीहरूको समेत उपस्थिति रहेको थियो ।

प्रहरी सहायक निरीक्षक आधारभूत तालिम समुद्‍घाटन कार्यक्रम सम्पन्न

२०८१-०७-०९

“प्रहरी सहायक निरीक्षक आधारभूत तालिम २-१७९ औं समूह” को मिति २०८१ कात्तिक ९ गते नेपाल प्रहरी शिक्षालय भरतपुर, चितवनका निर्देशक प्र.ना.म.नि. श्री राजेशनाथ बास्तोलाज्यूको प्रमुख आतिथ्यतामा विधिवत रूपमा तालिम समुद्‍घाटन सम्पन्‍न भएको छ । उक्त कार्यक्रममा यस शिक्षालयका निर्देशकज्यूले प्रशिक्षार्थीहरूलाई तालिम सफलतापुर्वक सम्पन्नताको लागि शुभकामना व्यक्त गर्नुभएको थियो भने तालिम संयोजक प्र.ना.उ. सुर्य बहादुर थापाज्यूले तालिम सम्बन्धि संक्षिप्त विवरण प्रस्तुत गर्नु भएको थियो ।

नवनिर्मित प्रशासनिक भवनको समुद्घाटन कार्यक्रम सम्पन्‍न

२०८१-०७-०८

मिति २०८१ कार्तिक ८ गतेका दिन संगठन प्रमुख श्रद्देय श्रीमान प्रहरी महानिरीक्षक बसन्त बहादुर कुँवरज्यूको प्रमुख आतिथ्यतामा यस शिक्षालयको नवनिर्मित प्रशासनिक भवनको समुद्घाटन कार्यक्रम भव्यताका साथ सम्पन्न भएको छ । नेपाल प्रहरी शिक्षालय, भरतपुर र The Cosmic Nirwan Sewa Pvt.Ltd., भरतपुर बिच मिति २०७९/११/०३ गते भएको सम्झौता अनुसार नेपाल प्रहरीको नियमित बजेटबाट निर्माण सम्पन्न भएको भवनको प्रमुख अतिथिबाट पानसमा दिप प्रज्वलन एवं शिलालेख अनावरण गरि समुद्घाटन भएको हो ।उक्त अवसरमा बागमती प्रदेश प्रहरी कार्यालय, हेटौँडाका भौतिक पूर्वाधार शाखा प्रमुख प्रहरी नायव उपरीक्षक ई. शम्भु प्रसाद कोईरीले भवन निर्माण सम्बन्धि प्रतिवेदन प्रस्तुत गर्नु भएको थियो ।कार्यक्रममा उपस्थित सम्पुर्णलाई स्वागत गर्नुहुँदै यस नेपाल प्रहरी शिक्षालय भरतपुर, चितवनका निर्देशक प्रहरी नायव महानिरीक्षक राजेशनाथ बास्तोलाले नव-निर्मित प्रशासनिक भवनले भविष्यमा नेपाल प्रहरीबाट प्रवाह हुने सेवा सुविधालाई अझ बढी प्रभावकारी रूपमा प्रदान गरि नेपाल प्रहरीमा हुने भर्ना, छनौट, वृत्तीविकास, उपदान, निवृतीभरण, तालिम संचालन तथा कार्यालय संचालनसँग सम्बन्धित विविध कृयाकलापहरूको अभिलेख प्रणालीलाई थप व्यवस्थित तथा समयानुकुल बनाउनमा टेवा पुर्‍याउने बताउनु भयो ।कार्यक्रममा नव-निर्मित प्रशासनिक भवन निर्माण सम्पन्न गर्ने कार्यमा उल्लेखनीय योगदान पुर्‍याउनु हुने द कस्मिक निर्माण सेवा प्रा.लि.का संचालक होमनाथ दवाडी लगायतलाई प्रशंसापत्र प्रदान गर्दै संगठन प्रमुखज्यूले आफ्नो प्रशिक्षण पद्धतिलाई समायनुकुल परिवर्तन सँगसँगै भविष्यमा आउन सक्ने चुनौतीलाई दृष्टिगत गरी चुनौतीको सामना गर्न सक्ने प्रहरी जनशक्ति निर्माण गर्न निर्देशन दिनुभयो । कार्यक्रममा राष्ट्रिय प्रहरी प्रशिक्षण प्रतिष्ठान, महाराजगंजका कार्यकारी निर्देशक प्रहरी अतिरिक्त महानिरीक्षक सुदिप गिरीले समाजमा शान्ति सु-व्यवस्था कायम गरी आम नागरिकलाई ढुक्कसँग बस्‍ने वातावरण तयार गर्ने प्रहरी आफै दयनीय अवस्थामा रहँदा प्रहरीले प्रदान गर्ने शान्ति सुरक्षा तथा समग्र सेवा प्रवाहमा प्रभावकारीता नआउने हुँदा भौतिक संरचनामा समेत सुधार गर्दै लैजानुपर्ने बताउनुभयो । उक्त कार्यक्रममा भरतपुर महानगरपालिकाका प्रमुख प्रशासकीय अधिकृत लक्ष्मी प्रसाद पौडेल, नेपाल प्रहरी प्रधान कार्यालय प्रदेश समन्वय विभागका प्रहरी नायव महानिरीक्षक केदार ढकाल, बागमती प्रदेश प्रहरी कार्यालयका कार्यालय प्रमुख प्रहरी नायव महानिरीक्षक कृष्णहरी शर्मा, सशस्त्र प्रहरी बल नेपाल नं. ३ गढिमाई बाहिनी मुख्यालयका प्रमुख सशस्र प्रहरी नायव महानिरीक्षक गणेश ठाडा मगर, राष्ट्रिय अनुसन्धान विभाग बागमती प्रदेश कार्यालयका प्रमुख, अवकाश प्राप्त पूर्व प्रहरी नायव महानिरीक्षक ज्ञानेन्द्र विक्रम महत, जिल्ला स्थित सरकारी एवं गैरसरकारी कार्यालयका प्रमुख तथा प्रतिनिधि, जनप्रतिनिधिहरू, अवकास प्राप्त पूर्व प्रहरी कर्मचारीहरू, अमर प्रहरी परिवार संघका पदाधिकारीहरू, यस शिक्षालयका सिनियर प्रहरी अधिकृतहरू, जुनियर प्रहरी अधिकृतहरू, प्रहरी हवल्दार तथा जवानहरू, प्रहरी कार्यालय सहयोगीहरू र प्रहरी सहायक निरीक्षक आधारभूत तालिमका प्रशिक्षार्थीहरूको समेत उपस्थिति रहेको थियो ।

६९ औं प्रहरी दिवस, २०८१ सम्पन्न

२०८१-०६-३०

मिति २०८१ असोज ३० गतेका दिन नेपाल प्रहरी शिक्षालय, भरतपुर, चितवनका निर्देशक प्रहरी नायव महानिरीक्षक राजेशनाथ बास्तोलाज्यूको प्रमुख आतिथ्यतामा यस शिक्षालयमा आयोजना गरिएको ६९ औं प्रहरी दिवस, २०८१ कार्यक्रम भव्यताका साथ सम्पन्न भएको छ । उक्त अवसरमा यस शिक्षालयका उप- निर्देशक प्रहरी उपरीक्षक भरत बहादुर बि.क.ज्यूले कार्यक्रममा उपस्थित सम्पुर्णलाई स्वागत गर्नुहुँदै संगठन प्रमुख श्रद्धेय श्रीमान प्रहरी महानिरीक्षक बसन्त बहादुर कुँवरज्यूको सन्देश वाचन गर्नु भएको थियो । उक्त अवसरमा प्रमुख अतिथि लगायत उपस्थित सम्पुर्णले अमर प्रहरी स्मारकमा पुष्पहार माल्यार्पण गर्नुभएको थियो भने पूर्व प्रहरी संगठन, चितवनका अध्यक्ष बल बहादुर थापाले शुभकामना मन्तव्य व्यक्त गर्नु भएको थियो ।कार्यक्रमका प्रमुख अतिथि यस शिक्षालयका निर्देशक प्रहरी नायव महानिरीक्षक राजेशनाथ बास्तोलाज्यूले ६९ औं प्रहरी दिवसको अवसरमा आयोजना गरिएको विभिन्न खेलकुद (भलिबल, फुटबल, ब्याडमिन्टन) प्रतियोगितामा विजेता हुन सफल खेलाडीहरू तथा यस शिक्षालयमा कार्यरत प्रहरी कर्मचारीहरू मध्ये उत्कृष्ट कार्य सम्पादन गर्ने प्रहरी कर्मचारीहरूलाई पुरस्कार प्रदान गर्नुका साथै निर्देशन सम्बोधन गर्नु भएको थियो । निर्देशन सम्बोधनका क्रममा प्रमुख अतिथिले नेपाल प्रहरीका सकल दर्जाका उर्जाशील प्रहरी अधिकृत तथा जवानहरू, सेवानिवृत्त प्रहरी कर्मचारीहरू, प्रहरी परिवार तथा अमर प्रहरीका समादरणीय परिवारजनमा "६९ औँ प्रहरी दिवस-२०८१" को अवसरमा व्यावसायिक सफलता, व्यक्तिगत तथा पारिवारिक सुख, समृद्धि एवम् उत्तरोत्तर प्रगतिको शुभकामना व्यक्त गर्नु भएको थियो । साथै राष्ट्र र नागरिकको सुरक्षाको खातिर आफ्नो प्राणको उत्सर्ग गर्ने नेपाल आमाका वीर सपूतहरूको कर्तव्य परायणता, त्याग र बलिदानले हामीलाई निर्भिक एवम् अविचलित भई निरन्तर जनताको सेवामा तल्लिन रहन अभिप्रेरित गरिरहेको हुनाले हामीले सोही अनुसार कार्य गरी अमर प्रहरीहरूले देखाउनु भएको बाटोमा अडिग भएर लाग्न निर्देशन गर्नुभएको थियो । कर्तव्यपालनाको सिलसिलामा शारीरिक एवम् मानसिक क्षती व्यहोर्न पुग्नुभएका प्रहरी कर्मचारीहरूको शीघ्र स्वास्थ्य लाभको कामना गर्नु भई वीर अमर प्रहरीहरू प्रति भावपुर्ण श्रद्धान्जली अर्पण र आफ्ना प्रियजन गुमाएर क्षती व्यहोर्नु हुने परिवारका सदस्यहरूमा हार्दिक समवेदना प्रकट गर्नु भएको थियो ।उक्त कार्यक्रममा चितवन भू.पू. सैनिक कल्याणकारी क्लब, चितवनका अध्यक्ष प्रेम बहादुर खड्काज्यू, पूर्व प्रहरी संगठन कार्य समिति, चितवनका अध्यक्ष अवकाश प्राप्त प्रहरी नायव निरीक्षक बल बहादुर थापा तथा यस शिक्षालयका सिनियर प्रहरी अधिकृतहरू, जुनियर प्रहरी अधिकृतहरू, प्रहरी हवल्दार तथा जवानहरू र प्रहरी कार्यालय सहयोगीहरूको समेत उपस्थिति रहेको थियो ।

साँस्कृतिक कार्यक्रम २०८१ सम्पन्न

२०८१-०६-२३

नेपाल प्रहरी शिक्षालय, भरतपुर, चितवनको आयोजनामा विजया दशमी, शुभ दीपावली, नेपाल सम्वत् ११४५ तथा छठ पर्वको अवसरमा शुभ कामना आदान प्रदान तथा उमंग साँस्कृतिक कार्यक्रम २०८१ मिति २०८१ आश्विन २३ गते यस शिक्षालयका निर्देशक प्रहरी नायव महानिरीक्षक राजेशनाथ बास्तोलाज्यूको समुपस्थितिमा सम्पन्न भएको छ । उक्त कार्यक्रममा निर्देशकज्यूको पूजनीय मातापिता, नेपाल प्रहरी श्रीमती संघकी केन्द्रीय प्रशासन सचिवज्यू, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर, चितवनका प्रमुखज्यू, जिल्ला प्रहरी कार्यालय, चितवनका प्रमुखज्यू, यस शिक्षालयका उप-निर्देशकज्यू लगायत सम्पुर्ण सिनियर प्रहरी अधिकृतहरू, जुनियर प्रहरी अधिकृतहरू, सम्पुर्ण प्रहरी कर्मचारीहरू तथा प्रहरीका परिवारहरूको समेत सहभागिता रहेको थियो ।