"प्रथम रनिङ शिल्ड एंम प्रशंसा-पत्रबाट पुरस्कृत"

२०८२-१०-२९

A
A^-
A⁺

तालुक राष्ट्रिय प्रहरी प्रशिक्षण प्रतिष्ठान महाराजगंज काठमाडौंको ७० औँ बार्षिक उत्सवको अवसरमा नेपाल प्रहरीको तालिम प्रदायक संस्थाहरु मध्ये यस नेपाल प्रहरी शिक्षालय, भरतपूर उत्कृष्ट घोषित भई संगठन प्रमुख श्रीमान् प्रहरी महानिरीक्षक दान बहादुर कार्कीज्यू बाट यस शिक्षालयका समादेशक प्रहरी वरिष्ठ उपरीक्षक तारा देवी थापाज्यूले प्रथम रनिङ शिल्ड एवं प्रशंसा-पत्र ग्रहण गर्नुभएको थियो ।

सम्बन्धित समाचार

कार्तिक महिनाको उत्कृष्ट प्रशिक्षक "INSTRUCTOR OF THE MONTH"

२०८३-०७-२०

यस शिक्षालयमा कार्यरत प्रहरी सहायक निरीक्षक शिव पौडेलले सांगठनिक नीति निर्देशन बमोजिम आफूलाई प्राप्त जिम्मेवारी तथा पदीय दायित्वलाई अनुशासित, लगनशील र कर्तव्यनिष्ठ भई उच्च व्यवसायिकताकासाथ निर्वाह गरि शिक्षालयको आन्तरिक तथा बाह्य प्रशिक्षण गतिविधिलाई समयानुकुल गुणस्तरीय बनाउनको लागि महत्वपूर्ण भूमिका निर्वाह गरेको हुँदा निजको लगनशीलता, कार्यकुशलता र अनुशासनको उच्च मूल्याङ्कन गर्दै मिति २०८३ साल कार्तिक महिनाको उत्कृष्ट प्रशिक्षक "INSTRUCTOR OF THE MONTH" घोषणा गरी प्रशंसा-पत्र प्रदान गरिएको थियो ।

मैत्रीपूर्ण फुटबल खेल सम्पन्न

२०८३-०६-०२

यस नेपाल प्रहरी शिक्षालय भरतपुरको आयोजनामा आपसी एकता र सद्भावका लागि जिल्ला फुटबल संघ चितवन र नेपाल प्रहरी शिक्षालय, भरतपुरबीच भेट्रान मैत्रीपूर्ण फुटबल प्रतियोगिता गरिएको थियो ।

“Food Festival २०८३”

२०८३-०५-०७

मिति २०८३ भाद्र ०७ गते प्रशिक्षार्थीहरूको रचनात्मक क्रियाकलाप अन्तर्गत नेपाल प्रहरी शिक्षालय भरतपुरका समादेशकज्यूको उपस्थितिमा यस शिक्षालयमा तालिमरत प्र.स.नि.आ.ता. २–१८०औँ समूहका प्रशिक्षार्थीहरूको सक्रिय सहभागितामा देशको मौलिकता, विविधतापूर्ण संस्कृति तथा विभिन्न भौगोलिक क्षेत्रमा प्रचलित खानाका परिकारहरूको संरक्षण र प्रवर्द्धन गर्ने उद्देश्यले “Food Festival २०८३” कार्यक्रम सम्पन्न गरीयो ।

स्वागत तथा फेरी भेटौंला कार्यक्रम

२०८३-०४-१६

तालुक नेपाल प्रहरी प्रधान कार्यालय, कर्मचारी प्रशासन शाखा, नक्सालको पत्र आदेश अनुसार नेपाल प्रहरी अस्पताल महाराजगन्ज ,काठमाडौबाट हाजिर हुन आउनु भएका प्राबिधिक प्रहरी निरीक्षक डा. बिनिता बस्नेतज्यू , जिल्ला प्रहरी कार्यालय भरतपुर चितवन बाट प्रहरी नायव निरीक्षक रन्जित के.सि.ज्यूहरूलाई स्वागत र नेपाल प्रहरी शिक्षालय,भरतपुरबाट नेपाल प्रहरी अस्पताल महाराजगन्ज काठमाडौ सरुवा हुनु भएका प्राबिधिक प्रहरी निरीक्षक डा. सुप्रीती सिलवालज्यूलाई शुभकामना दिनु भएको थियो ।

प्रशिक्षकहरुको क्षमता अभिवृद्धि कार्यकम सम्पन्न

२०८३-०३-२९

आज मिति २०८३ असार २९ गतेको दिन यस नेपाल प्रहरी शिक्षालय भरतपुर, चितवनमा कार्यरत ५० जना आन्तरिक तथा बाह्य प्रशिक्षक प्रहरी कर्मचारीहरूलाई "मर्यादा, समानता र मानव अधिकारका लागि मर्यादित महिनावारी" विषयमा दुईजना बाह्य अतिथि सहजकर्ताहरूद्दारा अभिमुखीकरण कार्यक्रम सम्पन्न गरिएको थियो ।

दर्ज्यानी चिन्ह सुशोभन तथा फेरी भेटौँला कार्यक्रम सम्पन्न ।

२०८३-०३-१५

तालुक नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखा नक्साल काठमाडौंको पत्रादेशानुसार प्राविधिक प्रहरी समूह तर्फका प्रहरी जवानबाट प्रहरी सहायक हवल्दार पदमा पदोन्नति हुनु भएका प्रहरी कर्मचारीलाई दर्ज्यानी चिन्ह सुशोभन कार्यक्रम सम्पन्न ।उक्त कार्यक्रममा शिक्षालयका समादेशकज्यूले बढुवा हुनु भएको प्रहरी कर्मचारीलाई हार्दिक बधाई दिंदै सफलताको शुभकामना व्यक्त गर्नु भएको थियो । साथै सरुवा भई यस नेपाल प्रहरी शिक्षालय, भरतपुरबाट बागमती प्रदेश प्रहरी गण हेटौडा, मकवानपुरमा जान लाग्नु भएका प्रहरी निरीक्षक रेशमलाल पौडेललाई नेपाल प्रहरी शिक्षालय परिवारको तर्फबाट सफल कार्यकालको शुभकामना सहित फेरी भेटौँला कार्यक्रम सम्पन्न ।