मिति २०५१/०५/१६ गते नेपाल प्रहरी सेवाको प्रहरी सहायक निरीक्षक पदमा नयाँ नियुक्ती भई विभिन्न समयमा पदोन्नती हुँदै प्रहरी नायव उपरीक्षक पदबाट इमान्दार र कर्तव्यपरायण राष्ट्रसेवकको रूपमा कार्यरत रही ३० वर्ष सेवा अवधि पुरा गरि अनिवार्य अवकाश प्राप्त प्रहरी नायव उपरीक्षक श्री रामकृष्ण सापकोटाज्यूको मिति २०८१/०५/२४ गते यस शिक्षालयका निर्देशक प्रहरी नायव महानिरीक्षक श्री लालमणि आचार्यज्यूको प्रमुख आतिथ्यतामा बिदाई कार्यक्रम सम्पन्न भयो । उक्त कार्यक्रममा सेवा निवृत हुनु भएका प्रहरी नायव उपरीक्षक श्री रामकृष्ण सापकोटाज्यूले सेवामा रहँदाका आफ्ना अनुभवहरू साट्नु भएको थियो भने प्रमुख अतिथी निर्देशकज्यूले सेवामा रहदा पुर्‍याउनु भएको योगदानको उच्च प्रशंसा गर्नु हुँदै बाँकी व्यक्तिगत, पारिवारिक तथा सामाजिक जीवनमा सफलताको कामना सहित अवकाश पत्र र मायाको चिनो प्रदान गर्नुभएको थियो ।