आर्म ब्याच सुशोभन कार्यक्रम सम्पन्न

२०८१-१०-१३

A
A^-
A⁺

नेपाल प्रहरीको विभिन्न तालिम प्रदायक निकायहरूबाट सञ्चालन हुने तालिममा एकरूपता कायम गर्नको लागि लागु गरिएको “नेपाल प्रहरीको तालिम सञ्चालन कार्यदेश-२०७९” को परिच्छेद-१७ मा व्यवस्था भए बमोजिम बाह्य प्रशिक्षण सम्बन्धी गतिविधीलाई समयसापेक्ष, वैज्ञानिक एवम् स्तरयुक्त बनाउन बाह्य प्रशिक्षकहरूको क्षमता मापन गर्न मिति २०८१/१०/११ र १३ गते लिईएको Instructor Proficiency Test (IPT) मा उत्तीर्ण हुनु हुने यस नेपाल प्रहरी शिक्षालय भरतपुर, चितवनमा सञ्चालित “शारीरिक व्यायाम प्रशिक्षक प्रशिक्षण (प्र.ज. देखि जु.प्र.अ.) तालिम” तेश्रो समूहमा तालिम प्राप्त २२ जना र नेपाल प्रहरी शिक्षालयका २ जना गरी जम्मा २४ जना बाह्य प्रशिक्षकहरूलाई मिति २०८१/१०/१३ गते यस शिक्षालयका समादेशक भूपेन्द्र बहादुर खत्रीज्यूबाट प्रमाणपत्र वितरण तथा आर्म व्याचले सुशोभित गर्नुभयो । उक्त कार्यक्रममा प्रमुख अतिथि समादेशकज्यूले निर्देशन सम्बोधन गर्नुहुदै प्रशिक्षक आफु Role Model बन्नुपर्ने हुनाले आफुलाई अध्यनशिल बनाउनु पर्ने कुरालाई जोड दिनुभएको थियो ।

सम्बन्धित समाचार

अपराध अनुसन्धान तथा नियन्त्रण तालिम सम्पन्‍न

२०८१-१२-१४

आर्थिक वर्ष २०८१/०८२ को स्वीकृत वार्षिक तालिम क्यालेण्डर अनुसार मिति २०८१/११/११ गतेदेखि नेपाल प्रहरी शिक्षालय, भरतपुर चितवनमा संचालित “अपराध अनुसन्धान तथा नियन्त्रण (प्र.व.ह./प्र.ज.) तालिम” नवौं समूहको मिति २०८१/१२/१४ गते यस शिक्षालयका निमित्त समादेशक प्रहरी उपरीक्षक भरत बहादुर बि.क.ज्यूको प्रमुख आतिथ्यतामा तालिममा सहभागिहरूसँग अन्तरक्रिया तथा तालिम समापन कार्यक्रम सम्पन्न भएको छ । उक्त अवसरमा प्रमुख अतिथिज्यूले सहभागिहरूबाट आएका जिज्ञासाहरूको सम्बोधन गर्नु भई प्रमाणपत्र वितरण तथा तालिम सफलतापूर्वक सम्पन्न गरेकोमा बधाईका साथै तालिममा सिकेका ज्ञान, सीप र कौशललाई कार्यक्षेत्रमा त्रुटिरहित ढंगबाट कार्य सम्पादन गर्न निर्देशन दिनु भएको थियो । साथै उक्त कार्यक्रममा तालिम संयोजक प्रहरी निरीक्षक गोपाल पौडेलज्यूले तालिम प्रतिवेदन प्रस्तुत गर्नुभएको थियो भने यस शिक्षालयका सिनियर प्रहरी अधिकृतज्यूहरू तथा जुनियर प्रहरी अधिकृतहरू लगायत प्रशिक्षकवर्गहरूको उपस्थिति रहेको थियो ।

अवलोकन तथा निरीक्षण भ्रमण कार्यक्रम सम्पन्न

२०८१-१२-१३

संगठन प्रमुख श्रद्धेय श्रीमान् प्रहरी महानिरीक्षक दिपक थापाज्यूबाट नेपाल प्रहरी शिक्षालय भरतपुर, चितवनको अवलोकन तथा निरीक्षण पश्चात यस शिक्षालयमा कार्यरत सम्पुर्ण प्रशिक्षकहरू, सेवाकालिन तालिमहरू तथा प्रहरी सहायक निरीक्षक आधारभूत तालिम २-१७९ औं समूहमा तालिमरत प्रशिक्षार्थीहरूलाई निर्देशन सम्बोधन गर्नु भएको थियो ।

भीड नियन्त्रण तालिम सम्पन्न

२०८१-११-११

आर्थिक वर्ष २०८१/०८२ को स्वीकृत वार्षिक तालिम क्यालेण्डर अनुसार मिति २०८१/१०/२० गतेदेखि नेपाल प्रहरी शिक्षालय, भरतपुर चितवनमा संचालित "भीड नियन्त्रण (प्र.ज. देखि जु.प्र.अ.) तालिम" २२औँ समूहको मिति २०८१/११/११ गते यस शिक्षालयका समादेशक प्रहरी वरिष्ठ उपरीक्षक भूपेन्द्र बहादुर खत्रीज्यूको प्रमुख आतिथ्यतामा तालिममा सहभागिहरूसँग अन्तरक्रिया तथा तालिम समापन कार्यक्रम सम्पन्न भएको छ । उक्त कार्यक्रममा तालिम संयोजक प्रहरी निरीक्षक बिराट शर्मा पौडेलज्यूले तालिम सम्बन्धि प्रतिवेदन प्रस्तुत गर्नुभएको थियो ।

प्रहरी आधारभूत तथा कारवाही विधि प्रशिक्षक तालिम सम्पन्न

२०८१-११-११

आर्थिक वर्ष २०८१/०८२ को स्वीकृत वार्षिक तालिम क्यालेण्डर अनुसार मिति २०८१/११/०४ गतेदेखि नेपाल प्रहरी शिक्षालय, भरतपुर चितवनमा संचालित "प्रहरी आधारभूत तथा कारवाही विधि प्रशिक्षक (प्र.ज.देखि जु.प्र.अ) तालिम" ८औं समूहको मिति २०८१/११/११ गते यस शिक्षालयका समादेशक प्रहरी वरिष्ठ उपरीक्षक भूपेन्द्र बहादुर खत्रीज्यूको प्रमुख आतिथ्यतामा तालिममा सहभागिहरूसँग अन्तरक्रिया तथा तालिम समापन कार्यक्रम सम्पन्न भएको छ । उक्त कार्यक्रममा तालिम संयोजक प्रहरी निरीक्षक मनिषा लौडारीज्यूले तालिम सम्बन्धि प्रतिवेदन प्रस्तुत गर्नुभएको थियो ।

अपराध अनुसन्धान तालिम सम्पन्न

२०८१-११-११

आर्थिक वर्ष २०८१/०८२ को स्वीकृत वार्षिक तालिम क्यालेण्डर अनुसार मिति २०८१/०९/२८ गतेदेखि नेपाल प्रहरी शिक्षालय, भरतपुर चितवनमा संचालित “अपराध अनुसन्धान (जु.प्र.अ.) तालिम” ५३औं समूको मिति २०८१/११/११ गते यस शिक्षालयका समादेशक प्रहरी वरिष्ठ उपरीक्षक भूपेन्द्र बहादुर खत्रीज्यूको प्रमुख आतिथ्यतामा तालिममा सहभागिहरूसँग अन्तरक्रिया तथा तालिम समापन कार्यक्रम सम्पन्न भएको छ । उक्त कार्यक्रममा तालिम संयोजक प्रहरी नायव उपरीक्षक अर्जुन के.सी.ज्यूले तालिम सम्बन्धि प्रतिवेदन प्रस्तुत गर्नुभएको थियो ।

प्रहरी सहायक निरीक्षक आधारभूत (अल्पकालिन) तालिम सम्पन्न

२०८१-११-०९

आ.व. २०८१/०८२ को स्वीकृत वार्षिक तालिम क्यालेण्डर अनुसार मिति २०८१/०९/०७ गतेदेखि नेपाल प्रहरी शिक्षालय भरतपुर, चितवनमा संचालित “प्रहरी सहायक निरीक्षक आधारभूत (अल्पकालिन) तालिम २-१७६ औं समूह” को मिति २०८१/११/०९ गते यस शिक्षालयका समादेशक प्रहरी वरिष्ठ उपरीक्षक भूपेन्द्र बहादुर खत्रीज्यूको प्रमुख आतिथ्यतामा तालिममा सहभागीहरूसँग अन्तरक्रिया तथा तालिम समापन कार्यक्रम सम्पन्न भएको छ । उक्त अवसरमा प्रमुख अतिथीज्यूले सहभागीहरूबाट आएका जिज्ञासाहरूको सम्बोधन गर्नु भई विभिन्न विधामा उत्कृष्ट भएका तथा तालिम सफलतापूर्वक सम्पन्न गरेका प्रहरी सहायक निरीक्षकहरूलाई पुरस्कार तथा प्रमाणपत्र वितरण गर्नुभएको थियो । ५० जना प्रहरी सहायक निरीक्षकहरू सहभागी उक्त तालिममा सर्वप्रथम प्रहरी सहायक निरीक्षक बाल किशोर राय यादव, कवाज प्रथम प्रहरी सहायक निरीक्षक दुर्गा बहादुर झेडी मगर, अध्ययन प्रथम प्रहरी सहायक निरीक्षक दिनेस खड्का, शारीरिक व्यायाम प्रथम प्रहरी सहायक निरीक्षक लोक बहादुर खत्री तथा चाँदमारी प्रथम प्रहरी सहायक निरीक्षक राजगीर राम हुनु भएको थियो भने सम्पूर्ण सहभागीहरूले सफलतापूर्वक तालिम सम्पन्न गरेका छन् । उक्त समापनको अवसरमा प्रमुख अतिथीज्यूले पदोन्नतीसगै प्राप्त जिम्मेवारी बहन गर्न सक्ने बनाउन सञ्चालन गरिने अल्पकालीन आधारभूत तालिमले प्रशिक्षणका क्रममा सिकेका ज्ञान, सीप र कौशललाई अब्बल भएर कार्यक्षेत्रमा कार्य सम्पादन गर्न निर्देशन दिनु भएको थियो भने तालिम संयोजक प्रहरी नायव उपरीक्षक अर्जुन के.सी.ज्यूले तालिम प्रतिवेदन प्रस्तुत गर्नुभएको थियो ।