फेरी भेटौँला कार्यक्रम सम्पन्न

२०८१-०२-०१

A
A^-
A⁺

नेपाल प्रहरी प्रधान कार्यालय, मानवश्रोत विकास विभाग, कर्मचारी प्रशासन शाखा, नक्सालको मिति २०८१/०१/२६ गतेको पत्रादेशले नेपाल प्रहरी शिक्षालय, भरतपुर दरबन्दी भई यसै कार्यालयमा कार्यरत रहनु भएका प्रहरी निरीक्षकद्वय विकास राई र एल्जीना राईज्यूको क्रमशः इलाका प्रहरी कार्यालय, चक्रघट्टी महेन्द्रनगर, सुनसरी र इलाका प्रहरी कार्यालय, खुर्कोट, सिन्धुलीमा सरुवा भएको हुँदा मिति २०८१/०२/०१ गते यस नेपाल प्रहरी शिक्षालय, भरतपुरका निर्देशक प्रहरी नायव महानिरीक्षक सुरेन्द्र प्रसाद मैनालीज्यूको प्रमुख आतिथ्यतामा फेरी भेटौँला कार्यक्रम सम्पन्न भएको छ ।
उक्त कार्यक्रममा नयाँ कार्यक्षेत्रमा जान लाग्नु भएका प्रहरी निरीक्षकद्वय विकास राई र एल्जीना राईज्यूले यस नेपाल प्रहरी शिक्षालयमा रहँदा बस्दाको अनुभव व्यक्त गर्नुभएको थियो भने निर्देशकज्यूले रवाना लिई जान लाग्नु भएका प्रहरी निरीक्षकद्वयलाई शिक्षालयको तर्फबाट मायाको चिनो तथा पुष्पगुच्छा प्रदान गर्नु भई शिक्षालयमा रहँदाबस्दा पुर्‍याउनु भएको योगदानको स्मरण गर्दै नेपाल प्रहरी शिक्षालय परिवारको तर्फबाट नयाँ कार्यक्षेत्रमा सफल कार्यकालको शुभकामना व्यक्त गर्नु भएको थियो ।

सम्बन्धित समाचार

‘सहजयोग ध्यान साधना मार्फत आन्तरिक शान्ति" कार्यक्रम सम्पन्न।

२०८३-०१-०९

नेपाल प्रहरी शिक्षालय, भरतपुरमा कार्यरत प्रहरी कर्मचारीहरूको मानसिक स्वास्थ्य र कार्यक्षमता अभिवृद्धिका लागि दुई दिने "सहजयोग ध्यान साधना मार्फत आन्तरिक शान्ति" कार्यक्रम सम्पन्न, यस शिक्षालयका समादेशक सहित ६७ जना प्रहरी कर्मचारीहरुको सहभागिता रेहेको उक्त कार्यक्रममा ध्यान अभ्यासको सहजिकरण डेढ दशकदेखि योग साधना गर्दै आउनुभएका राष्ट्रिय प्रहरी प्रशिक्षण प्रतिष्ठान, महाराजगंजका प्रहरी नायव उपरीक्षक सुनिल कुमार बरनवाललले गर्नुभएको थियो।

“Instructor of the Month – Recognition Program” अन्तर्गत उत्कृष्ट प्रशिक्षकलाई सम्मान गरिएको छ।

२०८३-०१-०७

शिक्षालय भरतपुर, चितवन — “Instructor of the Month – Recognition Program” अन्तर्गत प्रहरी सहायक निरीक्षक गोकुल बहादुर कुँवर क्षेत्री २०८२ साल चैत्र महिनाका उत्कृष्ट प्रशिक्षक घोषित भएका छन्।अनुशासित, कर्तव्यनिष्ठ र उच्च व्यावसायिक कार्यसम्पादनका आधारमा उहाँलाई प्रशंसा–पत्र प्रदान गरिएको छ। साथै, प्रहरी हवल्दार बद्री प्रसाद भण्डारी र प्रहरी सहायक हवल्दार भूपाल तामाङलाई नगद पुरस्कारसहित सम्मान गरिएको छ।यस्ता कार्यक्रमले उत्कृष्ट कार्यको कदर गर्दै संगठनभित्र थप प्रेरणा जगाउने अपेक्षा गरिएको छ।

अवलोकन भ्रमण, अनुगमन तथा निर्देशन सम्बोधन कार्यक्रम सम्पन्न

२०८२-१२-२९

नेपाल सरकारका माननीय गृहमन्त्री सुधन गुरूङज्यूद्वारा मिति २०८२/१२/२९ गते आईतबार नेपाल प्रहरी शिक्षालय भरतपुर चितवनको अवलोकन भ्रमण, अनुगमन तथा निर्देशन सम्बोधन कार्यक्रम सम्पन्न ,उक्त कार्यक्रममा बागमती प्रदेश प्रहरी कार्यालय प्रमुख प्रहरी नायव महानिरीक्षक दिपक रेग्मीज्यू, सशस्त्र प्रहरी बल नेपाल, नम्बर ३ बाहिनी मुख्यालय मकवानपुरका प्रहरी नायव महानिरीक्षक अन्जनी कुमार पोखरेलज्यू, राष्ट्रिय अनुसन्धान विभागका अनुसन्धान निर्देशक सन्जय कुमार यादवज्यू, जिल्ला प्रशासन कार्यालय चितवनका प्रमुख जिल्ला अधिकारी गणेश अर्यालज्यू, यस शिक्षालयका समादेशक प्रहरी वरिष्ठ उपरीक्षक तारा देवी थापाज्यू , प्रहरी उपरीक्षकज्यूहरू लगायत अन्य सिनियर प्रहरी अधिकृतज्यूहरूको उपस्थिति रहेको थियो ।

चैते दशैँ (चैत्राष्टमि) पूजा सम्पन्न ।

२०८२-१२-१२

आज २०८२/चैत/ १२ गते नेपाल प्रहरी शिक्षालय भरतपुर, चितवनमा नेपाल प्रहरीले परम्परागत रुपमा मनाउँदै आएको चैते दशैँ (चैत्राष्टमी) पर्व को अवसरमा यस शिक्षालय परिसरमा अवस्थित दुर्गा मन्दिरमा यसै शिक्षालयका प्रहरी उपरीक्षक श्री रंजित सिंह राठौरज्यू लगायत अन्य सिनियर प्रहरी अधिकृतज्यूहरु, जुनियर प्रहरी अधिकृत र अन्य प्रहरी कर्मचारी तथा आधारभूत तालिमका प्रशिक्षार्थीहरुको उपस्थितिमा मौलोमा पूजाअर्चना तथा संकल्प पूजा सम्पन्न भएको थियो ।

नमूना मतदान केन्द्रको निर्माण तथा मतदान कार्यको डेमो प्रदर्शन कार्यक्रम सम्पन्न ।

२०८२-११-०७

आज यस शिक्षालयमा निर्वाचन सुरक्षा सम्बन्धि व्यवहारिक अभ्यास अन्तर्गत नमूना मतदान केन्द्रको निर्माण तथा मतदान कार्यको डेमो प्रदर्शन कार्यक्रम सम्पन्न भएको छ । उक्त कार्यक्रममा यस नेपाल प्रहरी शिक्षालय भरतपुर चितवनका समादेशक श्रद्धेय श्रीमान् प्रहरी वरिष्ठ उपरीक्षक तारा देवी थापाज्यू, सह-समादेशक प्रहरी उपरीक्षक श्री रंजित सिंह राठौरज्यू , प्रहरी नायव उपरीक्षकज्यूहरु, प्रहरी निरीक्षकज्यूहरु, सुवेदार मेजर, जुनियर प्रहरी अधिकृतहरू, प्रशिक्षक वर्ग, प्रहरी कार्यालय सहयोगीहरू साथै प्रहरी सहायक निरीक्षक आधारभूत तालिम २-१८० औं समूहका प्रशिक्षार्थी प्रहरी सहायक निरीक्षकहरु र प्राविधिक प्रहरी जवान आधारभूत तालिम २-४ औं समूहमा सहभागी सम्पूर्ण प्राविधिक प्रहरी जवानहरु समेतको उपस्थिति रहेको थियो ।

तालिम समुद्‍घाटन कार्यक्रम सम्पन्न

२०८२-११-०५

“प्राविधिक प्रहरी जवान आधारभूत तालिम २-४ औं समूह” को आज मिति २०८२ फागुन ०५ गते यस शिक्षालयका समादेशक प्रहरी वरिष्ठ उपरीक्षक श्री तारा देवी थापाज्यूको प्रमुख आतिथ्यतामा विधिवत रुपमा तालिम समुद्‍घाटन गरीएको छ ।