बडा दशैँको पावन अवसरमा बडा दशैँको आज पहिलो दिन नेपाल प्रहरी शिक्षालय, भरतपुर, चितवनका निर्देशक प्रहरी नायव महानिरीक्षक राजेशनाथ बास्तोलाज्यूको समुपस्थितिमा विधिवत रूपमा घटस्थापना पुजा सम्पन्न भएको छ । उक्त कार्यक्रममा यस शिक्षालयका उप-निर्देशक प्रहरी उपरीक्षक भरत बहादुर बि.क.ज्यू, सिनियर प्रहरी अधिकृतहरू र जुनियर प्रहरी अधिकृतहरू लगायत सम्पुर्ण प्रहरी कर्मचारीहरूको उपस्थिति रहेको थियो । साथै, उक्त कार्यक्रममा निर्देशकज्यूले यस शिक्षालयमा कार्यरत सम्पूर्ण प्रहरी कर्मचारीहरूलाई बडा दशैँको पावन अवसरमा शुभकामना समेत व्यक्त गर्नु भएको थियो ।