दर्ज्यानी चिन्ह सु-शोभन कार्यक्रम सम्पन्न

२०८१-०८-२३

A
A^-
A⁺

नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखा नक्साल, काठमाण्डौको च.न. ३००५ मिति २०८१/०८/२१ गतेको पत्रले प्रहरी वरिष्ठ हवल्दार पदबाट जनपद तर्फको प्रहरी सहायक निरीक्षक पदमा बढुवा/पदोन्नती हुनु भएका यस नेपाल प्रहरी शिक्षालय भरतपुर, चितवनमा कार्यरत प्रहरी सहायक निरीक्षक आइते दमाईलाई मिति २०८१/०८/२३ गते यस शिक्षालयका निमित्त निर्देशक श्री प्रहरी उपरीक्षक भरत बहादुर बि.क.ज्यूबाट दर्ज्यानी चिन्हद्धारा सु-शोभन तथा शुभकामना लगायत अमुल्य निर्देशन दिनुभएको थियो ।

सम्बन्धित समाचार

प्रशिक्षकहरुको क्षमता अभिवृद्धि कार्यकम सम्पन्न

२०८३-०३-२९

आज मिति २०८३ असार २९ गतेको दिन यस नेपाल प्रहरी शिक्षालय भरतपुर, चितवनमा कार्यरत ५० जना आन्तरिक तथा बाह्य प्रशिक्षक प्रहरी कर्मचारीहरूलाई "मर्यादा, समानता र मानव अधिकारका लागि मर्यादित महिनावारी" विषयमा दुईजना बाह्य अतिथि सहजकर्ताहरूद्दारा अभिमुखीकरण कार्यक्रम सम्पन्न गरिएको थियो ।

दर्ज्यानी चिन्ह सुशोभन तथा फेरी भेटौँला कार्यक्रम सम्पन्न ।

२०८३-०३-१५

तालुक नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखा नक्साल काठमाडौंको पत्रादेशानुसार प्राविधिक प्रहरी समूह तर्फका प्रहरी जवानबाट प्रहरी सहायक हवल्दार पदमा पदोन्नति हुनु भएका प्रहरी कर्मचारीलाई दर्ज्यानी चिन्ह सुशोभन कार्यक्रम सम्पन्न ।उक्त कार्यक्रममा शिक्षालयका समादेशकज्यूले बढुवा हुनु भएको प्रहरी कर्मचारीलाई हार्दिक बधाई दिंदै सफलताको शुभकामना व्यक्त गर्नु भएको थियो । साथै सरुवा भई यस नेपाल प्रहरी शिक्षालय, भरतपुरबाट बागमती प्रदेश प्रहरी गण हेटौडा, मकवानपुरमा जान लाग्नु भएका प्रहरी निरीक्षक रेशमलाल पौडेललाई नेपाल प्रहरी शिक्षालय परिवारको तर्फबाट सफल कार्यकालको शुभकामना सहित फेरी भेटौँला कार्यक्रम सम्पन्न ।

दर्ज्यानी चिन्ह सुशोभन तथा स्वागत् कार्यक्रम सम्पन्न ।

२०८३-०३-०८

तालुक नेपाल प्रहरी प्रधान कार्यालय मानवश्रोत विकास विभाग कर्मचारी प्रशासन शाखा नक्साल काठमाडौंको पत्रादेशानुसार प्राविधिक प्रहरी समूह तर्फका प्रहरी हवल्दार पदबाट प्रहरी वरिष्ठ हवल्दारमा, प्रहरी सहायक हवल्दार पदबाट प्रहरी हवल्दारमा र प्रहरी जवानबाट प्रहरी सहायक हवल्दार पदमा पदोन्नति हुनु भएका प्रहरी कर्मचारीहरूलाई दर्ज्यानी चिन्ह सुशोभन कार्यक्रम सम्पन्न ।उक्त कार्यक्रममा शिक्षालयका समादेशकज्यूले बढुवा हुनु भएका प्रहरी कर्मचारीहरूलाई हार्दिक बधाई दिंदै सफलताको शुभकामना व्यक्त गर्नु भएको थियो । साथै सरुवा भई हाजिर हुनु भएका प्रहरी निरीक्षक प्रकाश भुषाललाई शिक्षालयमा स्वागत् गर्दै सफल कार्यकालको शुभकामना दिनु भएको थियो ।

"फेरी भेटौँला कार्यक्रम सम्पन्न"

२०८३-०२-२९

तालुक नेपाल प्रहरी प्रधान कार्यालय, कर्मचारी प्रशासन शाखा, नक्सालको मिति २०८३।०२।०१ गतेको पत्र आदेश अनुसार नेपाल प्रहरी शिक्षालय,भरतपुरबाट जिल्ला प्रहरी परिसर ललितपुरमा सरुवा भई जान लाग्नु भएका प्रहरी नायव उपरीक्षक अर्जुन के.सीलाई नेपाल प्रहरी शिक्षालय परिवारको तर्फबाट सफल कार्यकालको शुभकामना सहित फेरी भेटौँला कार्यक्रम सम्पन्न ।

प्राविधिक प्रहरी जवान आधारभूत तालिम २-४ औं समूहको दिक्षान्त कार्यक्रम सम्पन्न ।

२०८३-०२-२७

मिति २०८२।११।०२ गतेदेखि यस शिक्षालयमा संचालन भएको "प्राविधिक प्रहरी जवान आधारभूत तालिम २-४ औं समूह" को आज मिति २०८३।०२।२७ गते यस शिक्षालयका समादेशक प्र.व.उ. श्री तारा देवी थापाज्यूको प्रमुख आतिथ्यतामा दिक्षान्त कार्यक्रम सम्पन्न भयो ।

छात्रवृत्ति वितरण कार्यक्रम

२०८३-०२-११

आज मिति २०८३ चैत्र ११ गतेको दिन नेपाल प्रहरी शिक्षालय, भरतपुर अक्षयकोष २०७८ (संशोधन सहित) को बुँदा नं ८ को अधिनमा रहि यस शिक्षालयको वार्षिक कार्यसम्पादन सम्झौताको बुँदा नं २४ अनुरुप सम्पादन गर्नुपर्ने कार्यहरु अन्तर्गत यस शिक्षालयमा कार्यरत प्रहरी कर्मचारीहरुका उत्कृष्ट अंक प्राप्त गर्ने तीन जना जेहेन्दार सन्ततिहरूलाई छात्रवृत्ति प्रदान गरिएको थियो । उक्त कार्यक्रममा शैक्षिक सत्र २०८२ को वार्षिक परीक्षामा ४.०० जिपिए ल्याउन सफल प्रहरी हवल्दार वद्री प्रसाद भण्डारीको सुपुत्र बिनिस भण्डारी त्यसैगरी ४.०० जिपिए ल्याउन सफल प्रहरी सहायक हवल्दार अनिल थापाको सुपुत्री अनिष्मा थापा र ३.२४ जिपिए ल्याउन सफल प्रहरी सहायक हवल्दार भुपाल तामाङको सुपुत्री युनिका तामाङले छात्रवृत्ति प्राप्त गर्नुभएको थियो ।